- 144 -
1431 (12. kwietnia) Norymberga, w czwartek przed niedziel± Misericordia Domini2. po Wielkanocy etc.
Zygmunt Luksemburski, król rzymski, Węgier, Czech, Dalmacji, Chorwacji etc. wydaje wrocławianom surowy zakaz wszelakich kontaktów z husytami i niewiernymi etc.
— Wir Sigmund von gots genaden romischer kunig, zu allen zeiten merer des reichs vnd zu Hungern zu Beheim, Dalmacien, Croacien etc. kunig embieten vnsern lieben getreuen denn ratmannen vnd burgern zu BreslawWrocław vnser genad vnd alles gut, lieben getreuen wir haben vernomen, wie vil leute vergessen des heils irer sele durch gewynnung willen des snoden werntguts den ketzern vnd vngeleubigen speyse tranck, gezeug vnd andere noturft zufuren, in backen, breven vnd ander gemeinschaft mit kauffen vnd verkauffen mit in treiben vnd sie domit stercken, vnd sindtemal das wider got die cristenheyt vnd alle redlichkeyt ist, dorumb so befehlen wir euch vnd gebiten euch auch vestiglich mit diesem brieff bey vnsern hulden, wo ir sulche missetetige leut, die schuldig sein sulcher sach, begreiffet vnd ankomet, das ir sie alsdann mit iren leiben vnd gut hindert, vffhaldet und antastet vnd in nach irem verdienen widerfaren lasset, als billich ist. Als ir euch yetzunt einen anslag in der stat vnd vff dem land bey euch got zu lob, der cristenheyt zu trost vnd denselben landen zu hilff gen den ketzern gemacht habt, der vns wolgefellig vnd von euch zu danck ist, also vnd derworten, das sulcher anslag dester vestiglicher gehalden vnd dem nachkomen werd, so befelhen wir euch, gebieten vnd schaffen ernstlich vnd vestiglich mit diesem brieff bey vnsern hulden, wer zu sulchem anslag vnd loblichen sachen nich helffen wolt vnd villicht etlich weren an den grenitzen oder anderswo gesessen hern, stet, mann, gebauern vnd ander inwoner, die sich mit den ketzern gesatzt, abgetedingt und gefriedet hetten vnd den ketzern furderung teten, das ir die mit dem swert vnd feuer dorzu bringet vnd notet, das sie nach dem obgenanten anslag wider die ketzer helffent vnd faren, als sich das geburn wirt, vnd tut dorynn nicht anders.
Mit vrkund ditzs brieffs versigelt mit vnserm kuniglichen anhangenden insigel geben zu NurembergNürnberg (pol.: Norymberga) w Bawarii (D) am donerstag vor dem suntag misericordia domini nach crist geburt vierzehen hundert iar vnd dornach in dem einvndreissigisten iare, vnser reiche des hungerischen etc. im funfvndvierczigisten, des romischen im einvndczwenczigisten vnd des behemischen im eylfften iaren.
Ad mandatum domini regis Casparus Sligk.